Հունիսը մեզ համար ամենահաջողը չեղավ։ Հրեական համայնքը ծանր ժամանակներ է ապրում. մենք դարձանք մի իրավիճակի պատանդ, որը վաղուց չի կարողանում լուծվել։ Խուլերի ընկերությունում, որտեղ մենք գրասենյակ ենք վարձակալում, չեն կարողանում կարգավորել իրենց խնդիրները, և երկար ժամանակ մենք ընդհանրապես չէինք կարողանում մտնել մեր գրասենյակ։ Այժմ հնարավորություն է հայտնվել մտնել այնտեղ, բայց լույսն անջատված է, և այնտեղ աշխատել անհնար է։ Մեզ խոստանում են օգնել, բայց, ինչպես ասում են, գործը տեղից չի շարժվում… Չնայած դրան՝ մենք աշխատում ենք չդադարեցնել մեր գործունեությունը։
Գրասենյակի հարցը քննարկվեց նաև մայիսի 17-ին Համակարգող խորհրդի հերթական նիստում, որին մասնակցեցին Հայաստանի ազգային փոքրամասնությունների համայնքների նախագահները։ Այդ ժամանակից ի վեր գրասենյակը գործնականում առանց հոսանքի է. էլեկտրականություն չկա, ուրեմն չեն աշխատում համակարգիչները, օդորակիչները, հեռախոսները։ Առայժմ խնդրի լուծում չի գտնվել։
Հրապարակվել է «Մագեն Դավիթ» թերթի № 6 (188) համարում, 2019 թ. հունիս։