Վարչապետի աշխատակազմի ղեկավար Արայիկ Հարությունյանի նախագահությամբ տեղի ունեցավ Ազգային փոքրամասնությունների հարցերով խորհրդի հերթական նիստը։
Նիստում ներկայացվեցին Հայաստանում ազգային փոքրամասնությունների լեզուների մասնագետների պատրաստման և ազգային փոքրամասնությունների երեխաներին ամեն տարի կազմակերպվող ամառային ճամբարների պետական ծրագրում ներգրավելու հետ կապված հարցեր։ Քննարկվեցին օրակարգի հարցերը, խորհրդի անդամները ներկայացրին իրենց դիտողություններն ու առաջարկները։
Արայիկ Հարությունյանը հանձնարարեց Կրթության, գիտության, մշակույթի և սպորտի նախարարությանը մշակել լեզուների մասնագետների պատրաստման ծրագիր և այն ներկայացնել հաջորդ նիստին։ Վարչապետի աշխատակազմի ղեկավարը հանձնարարականներ տվեց նաև վերոնշյալ հարցերի լուծման վերաբերյալ։
Նիստին մասնակցեց մեր համայնքի նախագահ Ռիմմա Վարժապետյանը։
Հրապարակվել է «Մագեն Դավիթ» թերթի № 4 (256) համարում, 2025 թ. ապրիլ։