«Ֆրանկոֆոնիա» տերմինն առաջին անգամ հայտնվել է 1880 թվականին, երբ ֆրանսիացի աշխարհագրագետ Օնեզիմ Ռեկլյուն այն օգտագործեց ֆրանսերեն խոսող բոլոր մարդկանց և երկրներին նշելու համար։
Ֆրանկոֆոնիայի միջազգային կազմակերպությունը ստեղծվել է 1970 թվականին Նիամեյում (Նիգեր)՝ Մշակութային և տեխնիկական համագործակցության գործակալություն անվամբ։ 1998 թվականին կազմակերպությունն ստացավ իր ներկայիս անվանումը։
Այժմ կազմակերպությունը միավորում է 54 պետություն։
Կազմակերպության կարևորագույն խնդիրներից է սոցիալական զարգացման և մարդու իրավունքների ժողովրդավարական սկզբունքների պաշտպանությունը։ Բացի այդ, կազմակերպությունն ակտիվորեն նպաստում է ֆրանսախոս պետությունների տնտեսությունների զարգացմանը։
Ֆրանկոֆոնիայի հիմնական առաքելությունը ոչ միայն ֆրանսերենի կարգավիճակի պահպանումն ու ամրապնդումն է, այլև լեզվական մշակույթի խթանումը, ֆրանսախոս սոցիալ-մշակութային տարածքի ստեղծումը։
Այս միջոցառման շրջանակում մայրաքաղաքում բազմաթիվ համերգներ անցկացվեցին։ Դրանցից մեկին, որը տեղի ունեցավ Ազատության հրապարակում, մասնակցեց նաև մեր Դիանա Առաքելյանը։ Չնայած երեխայի ծնունդով պայմանավորված մասնագիտական գործունեության ընդմիջմանը (այդ մասին գրել ենք մեր թերթում), Դիանան, ինչպես միշտ, հիանալի կատարեց եբրայերեն երգ։
Սպասում ենք նոր համերգների, որոնց կկարողանանք մասնակցել և ևս մեկ անգամ ցույց տալ մեր իսրայելական երգերի գեղեցկությունն ու մեղեդայնությունը։