Հունվարի 27-ին՝ «Հոլոքոստի զոհերի հիշատակի օրը», Հայաստանի հրեական համայնքը հանրահավաք անցկացրեց։ Այդ օրը համայնքի անդամներն ամեն տարի հավաքվում են մեր համայնքի կողմից 2006 թվականին տեղադրված «Հոլոքոստի և Ցեղասպանության զոհերի հուշարձանի» մոտ։ Այս տարին բացառություն չէր։ ՀՀՀ անդամները հավաքվեցին՝ ծաղիկներ և պսակներ դնելու և մոմեր վառելու ֆաշիզմի անմեղ զոհերի հիշատակին։

Մեզ հետ վիշտը կիսելու եկել էին՝ հայտնի երաժիշտ և դիրիժոր Դմիտրի Յաբլոնսկին, Հայաստանում Իսրայելի պատվավոր հյուպատոս Աշոտ Շահմուրադյանը, Հայաստանում ԱՄՆ դեսպանատան ներկայացուցիչը, Հայաստանում Ռուսաստանի դեսպանատան խորհրդականը, ՀՀ կառավարությանն առընթեր ազգային փոքրամասնությունների և կրոնի հարցերով բաժնի աշխատակից Նարա Գուլյանը, գերմանական և լեհական համայնքների ներկայացուցիչներ և պարզապես Հայաստանի քաղաքացիներ։ Հանրահավաքին ներկա էին նաև լրատվամիջոցների ներկայացուցիչներ, և նկարահանում էր ՀՀ Առաջին հանրային ալիքը։

ՀՀՀ նախագահ Ռիմմա Վարժապետյանը բացեց հանրահավաքը, ողջունեց բոլոր հավաքվածներին և շնորհակալություն հայտնեց, որ իրենց ներկայությամբ պատվել են մեր հիշատակի հանրահավաքը։ Ռիմմա Պետրովնան խոսեց այն մասին, որ չի կարելի թույլ տալ մոռացություն։ Մարդկության դեմ հանցագործությունների մասին պետք է հիշել և այդ հիշողությունը փոխանցել հաջորդ սերունդներին, որպեսզի թույլ չտալ դրանց կրկնությունը։ Հենց այդ պատճառով նրա ձեռքին փոքրիկ պաստառ կար «We remember» բառերով։ Հաջորդ բոլոր ելույթ ունեցողները խոսում էին նույնի մասին՝ այլևս երբեք։

Հայաստանի գլխավոր ռաբբի Գերշոն Մեիր Բուրշտեյնը աղոթք ընթերցեց և մոմեր վառեց։ Հանրահավաքի մասնակիցները հուշարձանին ծաղիկներ և պսակներ դրեցին։